Ábrese o prazo de Inscrición nas nosas actividades.
Algunhas poden ser máis económicas, dependendo do número de alumnos, polo que nos gustaría saber os que ides seguir un ano máis connosco.
Esperamos tamén que se anime moita xente máis, non hai nada mellor para evadirse, relaxarse, que se lle esquecen os problemas e curar depresións que reunirse con amigos a bailar, tocar pandeireta, gaita, percusión, etc….
Ademais destas actividades Folclóricas teremos Costura e Calceta, Ritmos latinos, Teatro, pilates, ximnasia axeitada a calquera idade, para que poidan asistir nosos maiores.
Deixa atrás os complexos, a vergoña, e ven dende o primeiro día. As nosas actividades son para todas as idades.
INSCRIPCIÓN NAS NOSAS ACTIVIDADES
Categories: Novas
Comentarios desactivados
Día da Muiñeira 15 de Xuño 2.014
O pasado 15 de xuño celebrouse o Día da muiñeira en Redondela. Houbo desfiles e actuacións polas rúas Alfonso XII e Ribeira. Os nenos da nosa Asociación participou nos desfiles e nas actuacións.
Deixamos una ligazón cara a nosa galería na que temos postas algunhas fotos.
Categories: Festa, Galería de fotos, Novas
Comentarios desactivados
Noite de San Xoán 2014
Noite de San Xoán celebrada en Cidadelle.
Podedes ver as fotos na nosa canle de Flickr ou segindo esta ligazón.
Primeira festa dos anos 60 e 70
O primeiro venres de xullo pola noite (4 de xullo) celebraremos na nosa sede, a primeira festa dos anos 60 e 70.
Para pasalo ben, ademais de vir con ganas de festa, tendes que vir vestidos coma naquela época.
¿Quen se anima a vir a festa?. Por ser a primeira vez que celebramos esta festa, sería conveniente que confirmárades a vosa asistencia para poder facer unha previsión, agardamos a vosa resposta.
Intentade confirmar a vosa asistencia a través do correo frolesmarelinas@hotmail.es.
XV Festival Folclórico Virgen de Alarcos (Ciudad Real)
O pasado 7 de xuño o noso grupo folclórico foi convidado o ‘XV Festival Folclórico Virgen de Alarcos’ en Ciudad Real. Para os integrantes da Asociación Cultural que non asistiron deixamos unhas ligazóns a nova publicada e o vídeo de Youtube.
O vídeo
Xa están activadas tódalas ligazóns.
Xa temos habilitados tódalas iconas sociais. Podedes acceder as distintas opción premendo nelas e sempre aparecerán o final de tódalas entradas da páxina.
|
|
Para acceder o noso Facebook. |
|
|
Para ver os novos vídeos na nosa canle de Youtube. |
 |
Aquí poremos tódalas fotografías dos nosos eventos, é a nosa conta de Flickr. |
Esperamos que vos sexan de axuda.
Categories: Novas
Comentarios desactivados
Nova canle en Youtube
Xa tedes funcionando a canle de Froles en Youtube. Nesta canle iremos subindo os nosos vídeos.
Non deixedes de visitar tamén a pestaña de galería na que próximamente engadiremos tamén as ligazóns as fotos.
Podedes entrar dende esta ligazón ou pulsando na icona de Youtube.
Mercado Froles Mareliñas.
Sábado día 26, Froles Mareliñas organiza un mercado na Alameda de Chapela.
Recordade que falta pouco para o día da nai, e é unha boa ocasión de comprar algo alí.
Os interesados en poñer un posto, contactar connosco.
E aos amantes do folclore animámolos a vir cos instrumentos e con ganas de bailar, para animarnos a todos
Grazas
2º CONCURSO DE CONTOS CURTOS FROLES MARELIÑAS
CONCURSO DE CONTOS “FROLES MARELIÑAS”.
CONVOCATORIA 2014
A Asociación Cultural Froles Mareliñas, convoca o Concurso de Contos Curtos 2014 coa finalidade de promover a creación literaria entre nenos e adultos.
Este premio concederase de acordó as seguintes:
BASES
1.- Poderán participar neste concurso calquera persoa que o desexe sin límite de idade, sempre que as obras se presenten escritas orixinalmente en galego, sexan inéditas e non foxen premiadas en ningún outro concurso.
2.- A extensión máxima das obras será de 8 páxinas tamaño DIN A4, mecanografiadas a dobre espazo en letra Arial tamaño 11, por unha soa cara. Ademáis incluirase obrigatoriamente unha páxina como portada, cunha ilustración a cor, realizada polo autor do conto. Deveranse enviar tres orixinais impresos e grapados. Cada orixinal irá asinado con pseudónimo e deberá constar a categoría á que compite, infantil, xuvenil e adulto, sendo obrigatorio acompañar dun sobre cerrado con nome, apelidos, idade, data de nacemento, enderezo e teléfono de contacto do autor/a, e unha fotografía en cor tamaño carne.
3.- Os orixinais entregaranse indicando no sobre “CONCURSO DE CONTOS FROLES MARELIÑAS”, en man na sede da Asociación Froles Mareliñas nave amárela na Estación de Renfe en Chapela, o por correo postal ao seguinte enderezo:
Asociación Cultural Froles Mareliñas
Rúa Formiga, 17
36320 Chapela-Redondela
Pontevedra
4.- A data tope para a admisión de orixinais será o 15 de Abril de 2014. Polo feito de presentárense, os autores aceptan as presentes bases e non poderán retirar a sua obra unha vez presentada ao concurso.
5.- O xurado será nomeado pola Asociación e estará formado por especialistas. A composición do xurado non se fará pública ata o mesmo día da concesión do Premio.
6.- Na segunda quincena do mes de maio de 2014, intentando que coincida co fin de semana no que se celebra o día das letras galegas, saberemos a decisión do xurado que será inapelable e darase a coñecer nun acto público, onde se fará a entrega aos premiados,.
7.- Establécense tres únicos premios de 100 euros cada un para as seguintes categorías:
– Premio infantil 100 euros para nenos e nenas que non superen os 12 anos de idade
– Premio xuvenil, 100 euros para mozos e mozas, con idade comprendida entre 13 e 17 anos.
– Premio adultos, 100 euros, para maiores de 18 anos, sen límite de edad.
8.- Os contos presentados non se devolverán, e poderán ser publicados xuntamente coa fotografía do autor nun libro de recompilación que se denominará “CONTOS DE FROLES MARELIÑAS”.
9.- Os autores dos contos, ceden a Froles Mareliñas o dereito exclusivo de explotación dos seus contos en todas as modalidades para todo o mundo e para o prazo máximo de duración establecido pola lexislación vixente.
Envíanos o Concello de Redondela:
O mes de Marzo está adicado internacionalmente á muller traballadora. Dende o PSdeG-PSOE de Redondela, ano a ano, realizamos un acto de celebración neste mes, que este ano consistirá na proxección dun documental gañador do PREMIO GOYA 2014 á MELLOR LONGAMETRAXE DOCUMENTAL, titulada AS MESTRAS DA REPÚBLICA.
As mestras da república participaron de forma comprometida e valente no desenrolo deste proxecto. Representaban o modelo de mulleres modernas e independentes. Elas serían as responsables, en boa medida, da construcción e difusión da nova identidade cidadá, ó educar ó seu alumnado nos valores de igualdade, liberdade e solidariedade, tanto a través da transmisión nos contidos nas aulas como, sobre todo, co seu exemplo persoal.
As mestras da república foron mulleres comprometidas coa igualdade social e de xénero, eran conscientes de que cada un dos pasos que daban representaba o debuxo do camiño polo cal outras transitarían.
Crían na igualdade, derribaron os muros que separaban ós alumnos e alumnas, propoñendo prácticas de relación que lles permitira compartir intereses e coñecementos. Unha coeducación que lles posibilitaría aprender a compartir a vida en igualdade.
Coa proxección deste documental, os Socialistas de Redondela, queremos dar un novo paso na recuperación da súa memoria. O seu legado tanto ideolóxico e pedagóxico é máis necesario que nunca para defender a educación na que cremos.
Por todo o anterior queremos convidalos á proxección que terá lugar no multiusos da Xunqueira o venres 28 de marzo ás 20:00 horas.
Así mesmo agradeceríamos a divulgación deste convite a tódalas persoas e asociacións que consideren interesadas e achegámosvos o cartaz de dito evento.
Redondela a 25 de Marzo de 2014
Categories: Novas
Comentarios desactivados
